فعلاً كتبها صح محمد سيف الدين فى الأهرام يوم الجمعة 21سبتمبر 2007 , وسأعيد نشر ما كتبه لعل جماهير الأهلى العنصرية تتخلى عن عنصريتها :0
كتب : محمد سيف الدين
لست في حاجة للتأكيد علي رفضي لكل أشكال عدم الالتزام والانضباط والخروج عن قواعد الآداب العامة والسلوك واحترام الآخر, داخل الملعب أو خارجه, في مقاعد المتفرجين أو علي كراسي المسئولين.. وتحديدا أرفض أية تصرفات خارجة للاعب الكرة, سواء كانت بلفظ أو إشارة.. ولكن هذه المرة أشعر بتعاطف مع اللاعب شيكابالا!.. لا تندهشوا!.. ستقولون كيف يكون التعاطف مع لاعب خرج عن النص ورفع حذاءه في وجه جماهير الأهلي؟!
وأقول: وماذا ننتظر من لاعب واجه وسمع كل أنواع السباب والشتائم التي تخدش الحياء وتجرح المشاعر وتنال من الكرامة وتهتك الأعراض؟!.. سمع كل ذلك ليس لمدة دقائق أو علي فترات.. وإنما قبل المباراة وطوالها وبعدها !!0
تعالوا نسأل أنفسنا أولا.. من منا مهما كانت أعصابه ومكانته ومركزه وتربيته يستطيع أن يتحمل هذه الشتائم, والتي وصلت لسباب الأب والأم وبشكل جماعي منظم علي مدي أكثر من ساعتين؟.. اتحاد الكرة نفسه لم يرض عن هتافات بعض جماهير الزمالك ـ وأقول بعض ـ في مباراة الاتحاد ضد الكابتن أحمد شوبير وأصدر قرارا بفرض غرامة علي الزمالك!0
تعاطفي مع شيكابالا ليس معناه رفضا لعقابه ولا مباركة تصرفه المشين, وإنما مراعاة ما تعرض له وعدم ذبحه.. وبالطبع لم يكن شيكابالا هو أول لاعب يتعرض لهتافات الجماهير ولن يكون الأخير, ولكنني لا أعتقد أن لاعبا تعرض للهتافات بهذا الشكل ومن لديه حالة مماثلة فليذكرها لي!0
وكنت في حوار مع صديق وهو عضو بارز في النادي الأهلي وكان حاضرا المباراة في الملعب, وقال لي إنه لم يترك مباراة قمة منذ أكثر من25 سنة, وطوال هذه السنين لم ير ولم يسمع مثلما حدث في لقاء القمة الأخير!!
==============================================================
هذا ما قرأته وهذا ما حدث ولكن تم - للمرة رقم مش عارف كام لانها كتير - التعامل مع الموقف بعدالة متحيزة للوبى الأحمر . فتم عقاب المجنى عليه , وبراءة الجناة مع ان المجنى عليه -شيكابالا - تقريبا فى حالة دفاع شرعى عن النفس أمام أكثر من 20 ألف مشجع أهلاوى بالأستاد فكان رده بدون تفكير وروية بهذا الشكل الذى تم ادانته عليه .
ملحوظة : فى حالات الدفاع الشرعى طبقا لقوانين العدالة تخفف العقوبة او تزال العقوبة .
7 comments:
معلش مع احترامي الشديد يا عربي... لكن مش معنى كدة إننا نبرر الخطأ ده لأي حد... أنا مقدر الموقف كويس، بس في موقف تاني حصل في نفس الماتش... لما جمهور الزمالك كان بيوجه كل أنواع السباب والشتيمة من ناحيته لأبو تريكة... بمنتهى البساطة، كل اللي عمله أبو تريكة إنه ابتسم ورد في الملعب... وشوف الفرق بين الاتنين!!!
وبعدين الطبيعي في أي موقف تعدي على الجمهور إن الإتحادات الأهلية بتاخد على اللاعب عقوبات من النوع ده... صمويل إيتو في 2003 شتم الجمهور في أسبانيا -مكانتش حادثة العنصرية إياها- ، وكانت النتيجة إنه إتوقف... لأن اللاعب المفروض يكون له تصرف ألطف من كدة!!
اولا سلام عليكم انا من جمهور الاهلي و حضرت الماتش و سمعت كل حاجة بجد وكنت بسد وداني وانا سمعا الجمهور بتاع الاهلي بيقول كدة
7aga tanya nefsi 2a2olaha ,,hya feen el 2a7'la2 wel7'agal ,,,,walahi 7aga 3'areeba gdn lama tesm3 kol el nas bt2ool shteema l la3eb m3amalhosmh 7aga ,,,kol el nas kbeer so3'ayar ,,,,nas shaklaha y2ool enohom mo7tarameen laken lel2asaf,,,,,ana bgd msh haroo7 matchat lelahly welzamalek tany 3omriiiiiiiiiiiiiiiiiiiiiiiiiii.......
شكرا يا هانى لتعليقك بس فيه شئ لازم تعرفه لانى برضه كنت فى المتش ان أبو تريكة ليه مكانة فى جماهير الزمالك زى مكانة حازم امام فى جماهير الأهلى , ولما اتشتم اتشتم فى لحظة غضب من الجماهير بعد المتش وليس قبله او اثناؤه . وذلك بعد الهجوم الكاسح على شيكابالا .... بالمناسبة لم يستمر سباب ابوتركية اكثر من 30 ثانية مش 3 ساعات زى شيكابالا لان كان هناك عقلاء يهدئون جماهير الزمالك ورافضين الخطأ فى أبو تريكة.
شكرا يا مروة على تعليقك
, وفعلاً أصبحت الأخلاق الرياضية فى انحدار لان المنظومة الرياضية تدار بفساد وعدالة عمياء , فتعاقب بموازين مختلفة وعلى حسب السلطة والنفوذ يأتى العقاب , وبذلك لن ينصلح حال الكرة المصرية .
ومن يريد أن يرى التشجيع المثالى عليه بمتابعة مباريات الدوريات والبطولات الاوروبية لعلنا نتعلم منه.
مش هتكلم على موضوع شيكابالا تحديدا ... لأن انا شايفه ان الجمهور و شيكابالا غلطانين و الاتنين اتعاقبوا ....
المشكلة الحقيقية ان دا اصبح سلوكنا و اتجاه يسلكه الشعب المصرى بوجه عام فى التعبير عن رأيه ... اتنين اختلفوا واحد يشتم و التانى يقلع الجزمة ... فى الشارع و فمجلس الشعب و فماتشات الكورة و البرامج الحوارية ... بجد ايه دا ... دا خلل فى وسائل الاعلام و فى التعليم بكل مراحله و فى التربية من البيت و فى الخطاب الدينى ... كون اننا نوصل للمرحلة دى ... يعنى كل اللى فاتوا دول مش بيأدوا دورهم ...
بجد حاجة لا تعقل ...
حاجة تانية بس مضيقانى شوية فى كلام حضرتك يا عربى ... مش مضيقاتى اوى بس مستغرباها يعنى ...
انت بتتكلم على الاهلوية و الزملكاوية و كأن دول شعب و دول شعب اخر ... دول ليهم عادات و تقاليد و دين و مجتمع مغلق و طريقة حياة و دول ليهم دنيا تانية ...
ما فى الاول و فى الاخر الاتنين عايشين فى نفس المجتمع اوى و لازقين فى بعض اوى بدرجة تخليك متعرفش تفرق بينهم ... و فى اصلا ناس كتيرة مش مهتمة بالكورة من الاصل ... و بردوا سلوكياتهم زبالة .. فمنعلقش سلوك الجماهير على انهم اهلوية ... و بص الاهلوية يع بيقولوا ايه دول مش مؤدبين .. انما شوف الزملكاوية شطار و بيسمعوا الكلام و قاعدين ساكتين ... نعلق سلوكهم على انهم مصريين ... دا بردوا لا يمنع حقيقة ان جماهير الاهلى غلطانين اكتر بكتير من جماهير الزمالك ...
اسمحلى أعلق على البوست اللى فوق هنا ... بتاع التسلل ...
انا سمعت ان الغندور على دريم قال انه تسلل .. فرحت قلت لوالدى و جوز خالتى كدا ... جوز خالتى بأة راح قالى كلام انا مفهمتوش بصراحة قصد منه ان الغندور واخد زاوية غلط مش عارفة ميين كدا كان مغطى الكورة بصدره و ايه اللى جرا بس المهم ان الجول صحيح و الغندور هو اللى مش واخد باله او واخد باله و مش عايز يقول انه واخد باله ...
بس عامة دا لا يمنع ان أداء الاهلى من وجهة نظرى احسن من أداء الزمالك فى الماتش دا و أداءهم هما الاتنين مكنش كويس اوى ... كان ممكن تكون مباراة احسن ...
حاجة اخيرة ... تقريبا و الله أعلم انا شفتك فى الكلية و أيدك متجبسة ... بس اتكسفت اجى اسلم عليك عشان انت متعرفنيش ... يا رب تكون أحسن دلوقتى و تكون فكيت الجبس ...
كل سنة و انت طيب و ربنا يعتقك من النار يا رب
شكراً يا هند لتعليقك
لكن متستغربيش انى اتحدث ان الاهلوية و الزمالكاوية كأنهم شعبين وهما فعلاً كذلك فأى زملكاوى يشعر انه ليس فى بلده وانه عدو من أهلاوى حتى ان بعض الزمالكاوية يفضلوا انهم يقولوا انهم من جماهير الاهلى بدل وجع الدماغ .
ياااااااااه أنا فاكر سنة 1993 كان كلاً من الأهلى و الزمالك فى نهائي أفريقيا الأهلى فى ابطال الكأس والزمالك فى ابطال الدورى , كانت جماهير الناديين تشجع بعض بحماس جامد كأن فعلاً مصر بتلعب و البلد كلها خرجت تفرح بالكأسين خلال اسبوع واحد الاهلى يوم الجمعة و بعده الزمالك الجمعة اللى بعدها مفيش فرق ..... اتمنى ترجع الأيام دى بس للاسف دايما جمهور الاهلى اللى بيبدأ التشجيع ضد الزمالك فلا يجد جمهور الزمالك الا المعاملة بالمثل .
بالنسبة للمباراة الاخيرة الاهلى كان الافضل الشوط الاول و الزمالك الشوط الثانى .
وشكرا جدا على تعليقك والله يسلمك انا دلوقتى أفضل من الاول .الحمد لله .
Post a Comment