اتصل ب 123 ده رقم يعتبر من أهم الأرقام فى حياتنا لأنه ببساطة رقم الإسعاف يعنى لو أى واحد تعب أو أصيب لا قدر الله, اتمنى انه لا يستخدم أحد هذا الرقم حتى لا يصاب مثلى بالإحباط من الإهمال والتسيب.
الرقم ده خلال الاسبوع الماضى اتصلت بيه مرة لما هيثم صديقى تعب ولفينا بيه على المستشفيات وعندما فشلنا فى احضار عربية إسعاف لنقله من مستشفى لأخرى لم نجد !! تخيلوا ببساطة مستشفى ليس فيها سيارة إسعاف !! بجد قمة مستوى الخدمة الصحية !!!!! , والمرة التانية كنت فى طريقى للمكتب فوجئت بحادثة على الطريق الدائرى للأسف سيارة نص نقل مقلوبة والناس بتحاول تطلع السواق فطبيعى لازم أتصل بالإسعاف ..ولكن للأسف لا يرد أحد ., المفاجأة ان دى مش أول مرة حدث ذلك من قبل ولو اتصل احد بالإسعاف لا يرد الرقم ولو تم الرد فان الاجابة بتكون مستفزة عن طريق أسئلة غريبة ومستفزة
أنا بقول الكلام ده لانى زهقت منهم لان لدى أصدقائى بعض الغضب منهم لأن الإسعاف اثرت فى حياة أحبائهم , ولعل هناك العديد من الحوادث فى مصرمؤخراً اثر فيها تأخر سيارة الإسعاف فى زيادة عدد الضحايا مثل حريق بنى سويف , وحادث قطار قليوب ,وغيرهم كتير مش عارف أقول ايه ولا إيه سوى ربنا يصبرنا وينقذنا من المهملين . مش عارف ايه الحل فى المشكلة دى ؟
فى النهاية لو حد يعرف رقم الإسعاف الجديد يبقى يقولى لأنه ممكن تكون النمرة أتغيرت .
-
1 comment:
حلوة النمرة اتغيرت دي :D فعلا ممكن يكونوا عزلوا !! او بنتهم اتجوزت فلقوا نفسهم فاضيين فراحوا مارينا ..!! كل شئ جايز في البلد دي
Post a Comment